De rege et regina

Pluit. Foras exire Jippus ac Jannica non possunt. Intus eis ludendum est. Irati vehementer vehementerque tristes sunt. Tum denique mater: Iam scio. Arca ludere licet hodie.
Rem iucundissimam! Arca farraginem vestimentorum continet. Nunc habitu mutato fabulam agere facultas.
Ecce et aureum diadema, dicit Jannica, quinetiam alterum. Ita est, diademata duo aurea in arca insunt. Papyrina, simillima veris. Regina sum, dicit Jannica. Tu regis partes agere potes.
Velum induit cui superponit diadema Jannica.
Jippus autem lacernam e pellibus factam invenit, olim matris, et bellam. Tetigerunt tineae, sed Jippi nil interest. Iam verus rex, et diadematus.